当前位置:主页 > S艺生活 >【18区扫食】粉岭茶记 示爱蛋包饭 >

【18区扫食】粉岭茶记 示爱蛋包饭

时间:2020-06-11 来源:S艺生活 作者: 点击量:499次

粉岭的餐厅有种特性,就是开门开得早,闩门亦闩得早,很多连晚市都唔做!不过胜在价钱够平,大大份,未食先兴奋。趁放假,早啲起身去扫食!

茶记发现 I ❤U蛋包饭+蛋包一丁

这间茶记,九成九跟一般茶记无异,但在蛋包X方面,却玩花臣。像这款蛋包饭,四四方方似西多,最爆是上面仲用茄汁写住I❤❤U,如此造型,真係未食先饱。除了包饭,阿厨仲想到,蛋,其实可以包丁喎!蛋内的出前一丁,加了少少芝士、粟米和蟹柳捞,面头还有比翼双飞造型的炸虾,味道都唔错。想食就早啲啦,人家6点就收舖嫁!

【18区扫食】粉岭茶记 示爱蛋包饭
芝士吞拿鱼菠萝蛋包饭(包例汤+热饮) $40 四四方方似本书仔,如果想飞甩肉麻字,换简单的OMG、WTF次类,大厨都应该帮到你!
【18区扫食】粉岭茶记 示爱蛋包饭
蛋内包着甜豉油炒过的饭,加上吞拿鱼碎、菠萝和少量芝士,食落唔会淡茂茂,食晒成个绝对无问题~
【18区扫食】粉岭茶记 示爱蛋包饭
日式吉列炸虾蛋包丁配例汤及热饮 $40 蛋皮包着出前一丁,好有创意!入面的芝士捞丁有紫菜、粟米和蟹柳,外加两件日式炸虾,非常丰富,蘸茄汁及沙律酱来吃,样虽然颓,但其实几好味~!

【18区扫食】粉岭茶记 示爱蛋包饭

庭轩一叙

地址:粉岭联和墟和丰街52号合丰楼地下(显示地图)

电话:2669 8757

营业时间:6:30am-6pm

乜都炸!通心粉寿司都油炸

联和墟开至凌晨的外卖小食店,自创多款炸物,寿司炸、通心粉炸,芝士乜乜乜都拎去炸。虽则好邪恶,但真係停唔到口!唔怪得咁多人排队买!

【18区扫食】粉岭茶记 示爱蛋包饭
炸芝士通心粉 $14/3件 口感似薯饼,一件有好多粒通心粉,芝味好浓郁,民间美食啊~
【18区扫食】粉岭茶记 示爱蛋包饭
蜜糖炸烧卖 $8/5粒 鱼肉烧卖炸完脆卜卜,点上蜜糖更是画龙点睛,甜甜地好好味,一定要趁热食!
【18区扫食】粉岭茶记 示爱蛋包饭
招牌炸寿司 $12/6粒 炸完睇落似膶肠,但其实是普通香肠!食落似糯米饭,都可以一试。

【18区扫食】粉岭茶记 示爱蛋包饭

云津美食

地址:粉岭联和墟和隆街34号地舖(显示地图)

电话:6295 1195

营业时间:3pm-2am

鲜榨泰国椰汁 任加寒天爆珠QQ条

椰汁外卖小店,以肉厚味浓的泰国椰子即叫即榨,只落少少糖,由于没加罐头椰浆,质地较稀,但味道天然,很有椰香!最特别是好似台茶咁可加寒天水晶、爆爆珠、椰果、芦荟、QQ条等。

【18区扫食】粉岭茶记 示爱蛋包饭
鲜榨椰汁(冻)连两款配料 $19 椰汁味道香浓,可自由配搭多款台式配料,寒天水晶和芒果椰果,星星造型好得意!老闆加上椰丝,饮落更添口感。
【18区扫食】粉岭茶记 示爱蛋包饭
椰汁(热)连两款配料$21 热饮要等耐啲,因要把椰子汁打至起泡,甜度适中,配上黑糖味QQ条及胚芽,非常爽口。
【18区扫食】粉岭茶记 示爱蛋包饭
杯杯都用泰国椰子鲜榨出来,你睇几大个~
【18区扫食】粉岭茶记 示爱蛋包饭
老闆晚晚熬夜预备材料,珍珠、寒天等都喺自己煲~

【18区扫食】粉岭茶记 示爱蛋包饭

椰子乐

地址:粉岭联和墟和泰街53号地下B号舖(显示地图)

电话:6417 2220

营业时间:3pm-10pm

啖啖D24 榴槤心太软

街坊糖水店,卖相精緻而且几抵食,椰皇、心太软、炖甜品即叫即製,更不时推出季节限定。近期新推出的榴莲心太软,蛋糕是自家製榴槤蛋糕,馅是真.啖啖马来西亚D24榴莲肉,旁边还有一球自家製榴槤雪糕,虽然没有流心,但入口是清甜细滑,榴槤香味超浓郁,好好食!

【18区扫食】粉岭茶记 示爱蛋包饭
D24 榴槤心太软配D24榴槤雪糕 $56 心太软虽然没有流心效果,但蛋糕加入榴槤製造,配埋榴槤肉和榴槤雪糕,香浓甜美,榴槤气味在口内迴荡,无敌~!
【18区扫食】粉岭茶记 示爱蛋包饭
皇子汤丸炖椰皇(热) $43 皇子汤丸是紫薯糯米皮包着奶皇馅,好大粒,仲有4粒咁多,咬落烟韧,甜度刚刚好,炖椰皇超滋润,食完成身暖笠笠!
【18区扫食】粉岭茶记 示爱蛋包饭
雪山西米布甸(热) 冬日限定,西米布甸清香软糯,配埋上面的焗蛋白一齐食,更香滑!

【18区扫食】粉岭茶记 示爱蛋包饭

魔法甜品屋

地址: 粉岭百和路88号花都广场地下115号舖(显示地图)

电话:2947 9000

营业时间:3:30pm-1230am(星期三休息)

大男人都饱 $34大大碟口水鸡菜饭

这间上海菜小店开在横巷,有D难搵,但值得花D时间找找。午市口水鸡配菜饭,鸡和饭都大大碟,只卖$34,大男人食都够饱!仲送埋自家煲製菜蜜、菊花菜、夏枯草或豆浆,好好味又抵到烂!

【18区扫食】粉岭茶记 示爱蛋包饭
麻辣口水鸡菜饭 $34 鸡件大件肉滑,辣得来好惹味,配埋大大碟菜饭,诚意满分!
【18区扫食】粉岭茶记 示爱蛋包饭
鸡件大大件又多,麻甩佬食都够饱。
【18区扫食】粉岭茶记 示爱蛋包饭
香炸排骨配担担麵 $36 麵身弹牙,索晒汤底浓郁的花生和芝麻香,兼带微辣。
【18区扫食】粉岭茶记 示爱蛋包饭
排骨软腍鬆化,不会太油,满足!
【18区扫食】粉岭茶记 示爱蛋包饭
午餐仲送嘢饮,饮杯菜蜜清热先~

【18区扫食】粉岭茶记 示爱蛋包饭

珑门小厨

地址:粉岭和隆街40-42C地下(显示地图)

电话2331 8826

营业时间:11am-9:30pm(星期日休息)

劲多料 超浓南瓜番茄汤特餐

表面上似食西餐,实际上食港式特餐,又有少少日式、少少西式咁。佢个特餐真係要食,番茄汤螺丝粉,浓得不得了,除了番茄还加了南瓜煲,一上枱已闻到有超级香的番茄味,入面仲有红萝蔔同薯仔,旁边仲可以拣餸,我就拣咗2只鸡翼!仲未讲完,特餐包的多士是奶酱厚多,还有两款馅料的炒蛋或奄列,如芝士、鹹牛和烟肉,连埋热饮都是$39,好抵玩,我会再去食嫁,唔好同小编争位。

【18区扫食】粉岭茶记 示爱蛋包饭
招牌特餐连热饮$39 个餐超丰富,鸡翼螺丝粉配南瓜番茄汤,鲜甜茄味一试难忘,唔饮晒对唔住自己,咁都仲未够,另外仲有奶酱厚多士拼芝士烟肉炒蛋,点解粉岭啲嘢食咁平嫁?
【18区扫食】粉岭茶记 示爱蛋包饭
日式黄金炸猪扒大碗饭连饮品 $42 猪扒炸得酥脆,肉质鬆化,照烧汁香甜惹味,捞饭食一流。

【18区扫食】粉岭茶记 示爱蛋包饭

特餐‧番茄汤专门店

地址:粉岭联和道63号嘉和轩地下2号舖(显示地图)

电话:2669 8448

营业时间:7am-5pm

Homemade甜品 哈哈笑全日早餐

家庭式经营小餐厅,出面cafe食个All day breafast闲闲地都要八、九十蚊啦,呢度五十蚊,劲丰富,有炒双蛋、猪肉脆皮肠、烟肉、蕃茄、茄汁豆、蘑菇同牛油厚多士,味道不错。自製甜品每款每日得几十件咋,口味亦不定时发售,卖晒就无了,想食就早啲去啦!

【18区扫食】粉岭茶记 示爱蛋包饭
Sunflower breakfast $50 用料丰富,最好食的猪肉脆皮肠,带阵阵香草味。另外有无留意到磨菇、番茄同脆皮肠摆成一个笑脸?未食都已经够窝心。
【18区扫食】粉岭茶记 示爱蛋包饭
柠檬芝士冻饼 $18 消化饼底,柠檬与芝士味道平衡得很好,食完成件都唔觉滞。
【18区扫食】粉岭茶记 示爱蛋包饭
太阳花果冻 $10 桂圆杞子菊花茶果冻,食落有菊花茶淡淡清香,少少甜,清新之选。

【18区扫食】粉岭茶记 示爱蛋包饭

太阳花

地址:粉岭联和道57-63号嘉和轩地下4号舖(显示地图)

电话:9691 6579

营业时间:7am-6pm(星期一休息)

 

延伸阅读:

|18区扫食|西湾河发现 4吋厚巨型猪扒包

|抵食餐厅录|$35铁板烧便当!深水埗7间平民美食店

上一篇:
下一篇: